Alex 第六十一封信
米奇去左日本, 今個星期又係得我一個係英國啦, 佢一個星期係日本, 同佢D friend, 另一個星期就返香港. 之後就返英國, 佢返左黎一日之後就同我返香港一個星期, 可以黎探你啦 呢個月超級忙, 公司要轉platform, 所有野都要過哂去, 我呢期研究緊一個自動化既野叫n8n, 而家轉左server 好flexable 可以裝好多野落過server到 呢個係期中一個我做既flow, 佢會自動過D data 過去, 其實幾好玩, 係咁解決唔同問題, 搞得掂勁開心. 之後上個星期因為得我一個係英國, 又有三日假, 本身係plan左去做Amazon Flex, 賺下外快. 個日做朝早7 點個轉,…
第六十封信
轉左server, 好多圖唔見左要再搞….. 好麻煩, 做migration 唔煩, data recover 先煩. 最煩係, 係結婚同埋去法國個陣d 相, 全部唔見哂, 要down 返哂又要轉過哂, 煩到嘔 而家係咁既樣, 真係要諗計搞搞佢,好核特
第五十九封信
我加左人工…. 我都估唔到我會加, 英國經濟唔好, 而且business tax 又加. 加左500磅, 即係5000蚊一年… 係唔多, 但好過冇
第五十八封信
米奇又返香港啦, 今次係佢丫公有事. 我岩岩諗起2023 年 個陣係佢隻狗走左, 你個陣仲問我悶唔悶, 去到12 號佢返黎你仲話佢返黎啦, 冇咁悶啦 我send 左message 比你, 唔知你收唔收到, 個number 到而家都未放返出黎. 突然就好掛住你 其實我都唔知你睇唔睇到, 個陣我燒分野比你個陣我寫錯左個網址… 唔緊要, 我返香港燒野比你個陣會燒返岩既網址比你
第五十七封信
次次都想打好大篇野比你, 但次次都會好賴, 打一陣就唔想打….haha 終於去做deliveroo, 香港個Deliveroo 執左, 我就係英國deliveroo 做. 第一次做個日係英國母親節, 個日做左幾個鍾有£20 諗住幾好丫, 唔錯. 點知之後得十零磅, 頂佢個肺. 不過我都會keep 住做, 當做運動又有錢收, 用呢個角度睇係幾唔錯 有D 鬼佬會比成磅tips, 有D 好痴線, 10分鍾路程都會叫外賣 買左隻Tamagochi 比mickey, 而家鬼佬開始玩呢D野, 記唔記得我細個個陣嘉欣好鍾意玩個個神奇水馬嬲, 而家呢到仲有得買, 多唔多人玩就唔知啦 不過而家D…
第五十六封信
原來成個2月都冇打過信比你! 二月其實冇咩特別野, 我終於整左架單車, 黎緊應該會試下做deliveroo, 因為amazon flex 冇野做. 架野放左係到成年冇搞過, 都搞左成日, 我而家已經識整單車, 換disc, gear, tune brake. 然後我係英國發現左個地方可以買到泰國野, 唔係話好貴 最後, 老鼠剪左頭髮係英國, 三年冇剪過
第五十五封信
生日快樂丫肥佬!!!!!! 今年你生日英國打風. 近排點丫, 你個女同老婆返左泰國happy 緊. P表新屋入伙 係丫, 今年我成功整到蘿蔔糕, 上年就整左年糕, 用英國D 臘腸黎做, OK 既, 但用返香港個D 會好食100000 倍. 煎完出黎係咁 算係咁啦, 留左D 比你食, 記得返黎食丫. 當生日飯!!!
第五十四封信
新一年啦!!. 咁快就2025, 真係好快. 2024 都唔知發生左咩事. 上年我好似冇返過香港, 今年都未必會返, 冇錢. 今年好想好想重新黎過, 好想重新做人. 我知你一定會幫我!! 係咪.
第五十三封信
原來好耐冇上黎打信比你啦! 岩岩過左個生日同去左公司既Christmas Party 講左生日先啦, 我既生日禮物係一部Gaming Handheld. 個陣都諗左好耐買唔買, 同你以前係淘寶買個D差唔多, 你有一部係行Windows. 而我呢部都係, 但勁超多, 你見到一定會好好奇, 可以打電腦game 係black friday 個陣買, mickey 送既, 原價£599 -> £399. 唯一壞處係粒電, 打一陣就冇哂, 呢個就係生日蛋糕, 好食既朱古力蛋糕 同埋去左食燒肉
第五十二封信
老豆! 我地結左婚啦, 你老婆同埋你個女都黎左英國睇我地婚禮. 我好乖丫, 帶佢地周圍去. 去左好多地方丫, 又去Outlet, 又去倫敦市中心睇境點, 又去左行商場, 又去左公園. 佢地都好開心. 睇下你個新抱個日幾靚. 我真係好想好想你個日你個到睇到我地, 唔知你會唔會係天上面望住我地, 笑住咁係咁影相同埋拍片, 著得好靚仔咁, 然後叫我減肥. 我知你一定好開心, 一定會. 但你一定唔會鐘意食英國野. 以前我成日都會諗, 如果有一日你黎英國, 我應該會帶你行好多日超, 榮業行, 食好多中餐. 我估唔到丫媽竟然會覺得英國唔錯, 今次好似一洗佢對英國既負面評價. 係食囉, 佢唔係太喜歡英國既野食 放心啦,…
第五十一封信
話咁快就10月, 係我地結婚既日子! 好想好想個一日你可以係到見到我結婚做大個仔. 唔知你見到我結婚會點 . 我諗你一定好開心, 拎住部電話係咁影相同拍片. 因為我好想好想你可以係我地個張結婚大合照到出現, 我用左AI 去學左你個樣, 咁我就可以加你落去, 有一張完美既結婚大合照 個樣就唔係100% 似架啦, 鬼叫你又唔係多想, 冇咩相可以用黎train 個AI. 不過都唔錯, 係整完出黎要再執下. 原來唔經唔覺你都走左一年, 時間過得好快, 我返呢份新工都就黎返左半年. 呢一年你係另一邊過成點丫, 我都仲未有機會去你個到上支香比你, 你都上左位幾個月. 見唔見到丫麻同丫爺, 見到佢地幫我問候下佢地. 本來想同你講叫你自己小心D, 但諗諗下都唔知你要小心D 咩.…
第五十封信
去完巴黎之後都好耐冇打過野比你, 你點丫, 過得好嗎, 好想打電話比你同你傾計, 真真正正聽下你把聲,同我講埋哂D無聊野🤣 尋日同mickey 玩呢個Food War, 諗起最後一次同你係荃新天地個間麥奀記雲吞麵, 好想同你再食一次. 老豆, 係咪因為我唔乖所以你冇黎搵我呀, 我好掛住你呀, 我下個月結婚啦, 如果我可以返到兩年前既話, 我會同D 結婚咁你就可以黎英國睇啦,
第四十九封信
本來諗住早D 打呢篇野, 點知部機一年多DD, 個mon 就壞左, 一條條線… cheap 機真係cheap 機, 上一部用咁多年都冇事…. 老豆, 我地去完巴黎奧運返黎啦 (其實都返左黎2個星期)… 巴黎係超曬, 熱就唔算太熱, 酒店有冷氣. 有冷氣真係差好遠. 我地兩個去完返黎黑哂, 到而家都未變返白… 巴黎好安全, 個段時間成條街都係警察同埋軍人, 係一D 偷哂既人都見唔到. 我地睇左三場比賽: 排球; 曲棍球 同埋網球. 最悶係曲棍球, 我地完全唔知佢地做緊咩. 我地睇左一場就走.…
第四十八封信
肥佬. 你個孫下個月11號去美國啦, 如果你係香港一定入傷心死. P表會留係香港, 我諗佢會做埋大排檔先再過去.
第四十七封信
老豆, 我地要左車啦. 係標誌既e208, 係一架電車呢. 冇錯, 我地入手電車 呢架野細細架係幾好楂, 但電車就悶左D, 但個感覺係好似好過你個架RAV4. 佢個內儱就好普通, 但佢個錶版好靚 但唔鍾意而家D車好多setting 都要係個mon 到禁, 以前D 車有好多實體制, 一禁落去就得. Tesla 架新車轉波都要係個mon 到做, 有D 痴線. 呢架野差滿一次可以行到三百幾公里, 都OK 啦, 一個星期都未必行到三百幾. 我計過條數, 差滿一次大幾要廿零磅, 上次租車入油, 普通CLA,…
第四十六封信
成個月冇打過信比你啦, 今次應該都幾長下. 其實都冇咩發生過D 咩野事. 5月27號係曼琪姐生日, 我地去左兩個地方. 一個係bath 另一個就係seven sister cliff, 香港好似叫七姊妹崖. 咁我地就緊係唔係答車去啦, 個D地方杳無人煙. 係英國少有既山區地方. 我地租左架車去, 租車個過程都好驚險好英國. 咁我地已經係幾日前租左架車, suppose 係個細細架私家車, 普普通通兩個人夠哂個D. 點知去到, 佢話冇哂車, 問我掍波得唔得… 我係有掍牌, 但係一呢我考完車之後都差不多冇渣過掍波車, 同埋mickey 都要渣, 佢得自動波牌. 好啦, 搞左一輪,…
第四十五封信
老鼠返左黎啦, 帶埋你幅相同香爐返黎, 唔係再係花園到插香. 而家係屋入面. 新工返得唔錯丫, 可能hea 慣左, 而家pick up 我有D辛苦, 返左三星期工. 而家先叫做開始知自己做緊D咩. 之前成舊雲咁, 唔知發生緊咩事, 唔知自己做緊D咩, 又唔知自己要做D咩.. 但份工係忙既, 不過忙好過以前咁on居居唔知發生緊咩事 見到D excel 表都唔開胃… 係丫,上星期係英國睇到極光丫, 我咁大個仔第一次見到. 係好靚, 肉眼睇反而唔係好睇到, 用部電話影靚好多 之後米奇唔係到個幾日就跟你方法整左碟牛河, 味就差唔多, 係D粉唔靚差D. 學你咁,…
第四十四封信
肥佬. 老鼠返左香港啦, 今次返10.上次佢返去個陣你仲係到, 次次你都問我係咪好悶. 今次冇啦. 話說我發夢見到你係教堂, 你係咪轉左會姐. 我問你你又唔覆我. 大佬你話我倨知丫, 咁我唔插香啦嘛. 好, 我update 下你. 首先, 呢個就係我地BBQ 既成品一號. 係好食既, 係熟既, 但燒一次用勁多時間. 一來係我未識透個爐, 二次黎到D BBQ 同香港好大分別, 香港係好大火.燒得好勁咁樣,但係呢度唔同,佢啲火好細係慢煮嚟嘅. 隻雞就正常味啦, 反而係有驚喜嘅係啲薯仔，好有薯味好好食。腸仔就因為佢以經落哂味,食好食嘅但冇咩特別. 隻雞係我第一次整, 第2次呢就挑戰難度整叉燒！喺英國買嗰啲豬肩係好瘦, 冇得好似香港咁俾你揀半肥瘦所以個叉燒就比較乾同埋鞋口. 但係個味就似嘅係好食嘅,但係如果多啲肥肉就好…
第四十三封信
半年啦, 尋日就係你走左既半年. 呢半冇同你講電話, 冇得同你video call. 以前一到星期六就打比你, 星期日就打比你老婆. 而家係星期六日都打比你老婆. 好掛住你 上一封信都好似係上上個星期打了, 呢兩個星期都有D野發生 首先呢就係, 我地買左一set 戶外餐台同椅 可以係出面食早餐, 係幾爽既. 同埋而家係春天, 出面朝朝早唔落雨既話係好舒服. 上星期我同米奇就坐左係出面食波羅包, 係幾爽, 出面暖笠笠咁, 有太陽射住, 仲暖過屋裡面. 我同mickey 講如果你係到既話一定會坐到訓著. 因為真係太舒服 除左呢set野之外, 我地仲買左個BBQ 爐. 係爽既,…
第四十二封信
肥佬, I am back!!!!!!! 今次應該都有好多野可以同你講. 首先為你帶黎一個好消息. 我又轉工啦, 新呢份人工係再高D. 本身其實係冇諗住咁快搵工, 雖然而家份工係好一般, 係冇野做, 唯一好處就係有免費午餐同埋有得撚狗, 但真係太悶冇野做. 同埋個上司又係低低地, 唔識扮識, 然後同個識既人嘈, 最後就用title去壓人. 呢D工做黎注定冇前途. 咁新呢份工又點黎呢, 話說係有一日返工, 有個agent 打黎問我仲係咪搵緊工, 我同佢講我已經搵到啦, 岩岩返左幾個月咁. 佢話有兩份工係手, 佢話不如聽下份工先啦. 咁我又冇野做咪聽下. 佢講完之後就對呢份工有D 興趣. 咪叫佢sd…
第四十一封信
肥佬!終於有啦! 今個星期四有人黎裝broadband (即係寬頻)丫.係丫, 我黎左新屋住左差不多一個月, 終於有wifi 啦.呢一個月, 我地係用個D 4G router 去網. 即係插張sim 卡, 然後就可以share 比唔同既人用, 即係wifi 蛋.本身我個到個訊號都唔係收得好, 最多都係得4G 3 格, 可以想像下上網有幾慢第一個已經係我最快既上網速度, 試左幾次之後係冇高過呢個數… 上網就係用呢舊野, D 電去得好快 不過又咁講, 成屋D 野都係連住呢舊野, 好似有7部野同時連住. 慢同埋電去得快都好正常 但其實呢舊野係唔差既,…
第四十封信
大獲啦! 呢排冇咩影相, 冇咩相可以share 比你睇..住左係呢間房都一個星期, 開始有問題出現.第一就係好臭, 有好大陣屋住既體臭味, 開左窗陣味都係唔散…買左支野, 2磅, 聲稱可以除味, 今晚返去噴下張床睇下除唔除到陣味 另外就係間房d空氣唔係好流通. D衫罷左4日都唔乾, 仲嗡到D衫有陣臭味, 又要買舊乾衣機放係屋到.佢係一個涼衫架, 下面有個發熱風機, 佢吹D 熱風係係一個半密閉空間到去乾衣. 好彩係呢兩樣野買個陣有特價, 支野就半價, 個乾衣機就有65折 好處係佢爐頭係用煤氣, 用明火煮出黎既野同用電爐煮出黎既野係完全唔同.用明火煮出黎既野係熱D, 可能呢D就係叫鑊氣, 同埋D野都快熱D, 我鍾意明火多過電爐多好多.但壞處係, 呢到D GAS 好似係貴D 然後, 屋企Broadband都係未有既,…
第三十九封信
老豆, 我地入左伙啦. 新屋個到. 今日返左舊屋執埋D手尾交埋鎖匙, 佢已經完成左佢既歷史任務 新屋呢到凍過舊屋好多, 可能係因為舊, 佢呢到1930年起, 係用木同埋石膏板起, 舊屋係用石屎. 呢到根本係擋唔到凍, 我而家都開始要係屋企著長袖衫, 同埋而家唔可以赤腳行, 個地板凍到傻, D凍氣係由腳板底凍到上心口.. 真係凍到入心…. 但新屋呢到係好幽靜, 真係冇人會係夜晚係到行, 今日打呢篇野係星期日, 呢到都係冇咩人係外面行黎行去, 真係好似D 鄉村咁. 但因為樓上有另一戶人係到住, 佢地行路係聽到佢地行路聲同埋講野聲. 咁唔係完全聽到佢地嗡咩, 但有D 好濛既聲知佢地講緊野. 呢個係舊屋最後一次入去個樣 新屋未有餐台, 坐係地下開餐
第三十八封信
話說星期五搬入新屋啦, 我個broadband 到期要續. 做哂research, 決定用返EE. 咁我咪打過電話過去同佢地講要轉地址同埋要個新plan. 全世界都係咁, 比錢就好容易, 好快就落左order, 19號activate 啦, 咁都係10日姐, OK 啦, 我仲有電視同PS5. 只係個到電話data 收得唔係太好, 但10日好快過啦. 頂, 我無啦啦收到個message, 同我講28 號先有人黎裝野, D Wi-Fi 盒丫個D 野就會寄過黎先. 但我個合約開始日係19號. 個工程人員未黎我都未用得住, 咁快就起我數, 咁我緊係打過去問佢咩事啦.…
第三十七封信
肥佬, 我地終於搬啦, 搬屋真係好攰, 用左一星期pack 好啦D 野, 唔覺唔覺都pack 左5, 6 箱野, 仲有5個大gip. 箱箱都好鬼死重 呢到仲要唔係全部野, 有D 野我冇影到, 仲有幾個箱同埋2架單車. 仲有D gip…. 因為有個雪櫃同埋電視, 所以我地搵係黎搬, £120 兩個鐘任搬, 加時既話每個鐘就£60. 我搵左幾間比, 有間兩個鐘£240… 痴左線. 約左佢地今日上黎, 11 點到, 最後佢地用左1個鐘多小小就搬哂..…
第三十六封信
我地開始執野搬屋啦. 本身黎係有工個gip, 一細gip, 一個大袋, 而家搬野好似唔止咁多野, 連埋個幾個大箱都好似唔夠. 同埋我地而家只係執左1/3 都唔知有冇… 搬屋真係好煩 新呢份工好得閒, 我而家係公司冇野做就會做. 做左四日有廿幾磅 佢係唔同問卷有唔同價錢. 當做part time 咁
第三十五封信
肥佬！我地要結婚啦！ 我地決定係10月尾係英國註冊， 如果你係到既話你一定會過黎睇我地結婚。 但未決定幾多號，10月21 – 24號其中一日。 係英國結婚好鬼麻煩架，要同政府申請，佢地再決定查唔查你，唔查都要等。佢地自己都話最小71日前向自己該區既市政府申請。。。 我同左米奇老母啦 佢地都ok. 尋日插左兩次香比你唔知你收唔收到，我同左你講我寫錯左網址比你，比返個新既你。 擺酒個到我都唔知會唔會擺，但一定會返香港同啲親戚食飯，到時唔知你上左位未，上左位可以過黎插支香比你。到時就真係兩公婆黎搵你 😂
第三十四封信
有樣野一定要分享比你知. 話就上個星期六我地去左回收部舊電腦. 點回收呢? 其實就只係拎部電腦去Currys, 一間英國好大型既連所電器舖, 你當佢係英國版既豐澤啦. 之前好似比過你睇裡面係點. Anyway, 咁你拎部機去回收, 佢就會比£5 Cash Voucher 即係現金卷比你下次賣野用. 張野係咁既樣 黎左英國之後, 我拎到咩野優惠都好啦, 我都一定睇下個Term and Condition, 即係使用細則. 一睇就發現張野係2月6號到期, 我地去回收個日係2月10號… 足足過左4日. 一開始我以為個優惠完左啦, 我唔係因為張野去回收, 而係我唔知扔去邊, 咁岩我地又要個頭, 所以先拎過去. 但我又好想知係咪完左, 咁咪拎張野去客戶服務部問.…
第三十三封信
老豆, 新年快樂. 今日係年三十夜食團年飯. 我地準備左D餸比你, 你有冇過黎食丫? 我地都好似有兩年冇坐埋一齊食團年飯. 今日我地食扒, 有前菜, 主菜, 本身有甜品既, 不過有D飽 新公司個到返左幾日都OK 既, 不過唔似係我想要既野, 不過人工算唔錯同埋有D 好有趣既福利, 佢係有野食. 朝早有麥片丫個D, lunch 有麵包比你整三文冶 但如果Casio 個邊請我, 人工唔錯既話我都應該去佢個到, 話哂大公司, 同埋佢地個邊似係我想要既野. 希望有啦 點都好啦, 今年係你第一年唔係到, 有D 唔慣,…
第三十二封信
今日第一日返新工呀！ 返工時間同之前個份工差不多，都係用大約一個鐘倒。 今日返工個陣就搭巴士加火車，7點半出門口， 八點半就到。 間公司係一個share office 裡面，即係一橦野，裡面分租比唔同左公司。佢外面係咁既樣 裡面就一格格咁，公司就應該租左一樓9成既房。 公司有隻狗仔係office 到，佢冇咩反應，人地叫佢佢係眼甘甘咁望住人唔知做咩，但佢又唔係諗緊野架喎。 隻狗係老闆既。 今朝佢坐左係我前面等緊佢個主人，佢主人去左廁所 好好笑！ 第一日返工就好得意。 我地條team 個呀姐係老闆既前妻，佢地個仔都係間公司到做。佢係做sales team 所以唔關我地事。 然後公司有兩pair twin, 一pair 係男，另一pair 係女。 第一日返工未知太多野住，唔可以比咩野評價住。
第三十一封信
唉! 本身今個星期係放假, 點知就去左睇樓. 本身諗住整蘿蔔糕同埋年糕. 話哂就黎農曆新年, 你又鍾意食. 點知係咩都冇整過… 今個星期上下南北倫敦都去哂! 我諗我今個星期最小睇左10個單位. 有D就一般般, 有D 就太貴唔想落Offer. 有一個單位Mickey 好鍾意係Thames Ditton. 雖然佢個樣係獨立屋咁, 但其實佢只係放租下面個層連花園. 個業主去美國做野, 所以想放間屋出去租有extra 收入. 有兩房, 業主將其中一間房變左做書房, 岩哂我地. 又有個花園玩下. 佢開£1750 既, Mickey 同事話租樓係唔洗比佢個offer price, 係應該開under…
第三十封信
老豆, 仆街啦, 之前咪比你睇左我地落左訂租個到既 今日agent 打黎話租唔成, 我地本身都諗住實食冇痴牙, 點知租唔到要搵屋… 個agent 話個業主差一份文件交唔到出黎. 我地問佢, 佢又支吾以對. 之段Mickey 打比個業主問下咩事啦, 佢話因為呢間係遺產黎, 佢地未搞掂哂D 文件 係英國, 一個人死左, 佢遺產唔係好似香港咁就咁去拎張紙自己去搞就得 佢地要比法院搞, 由第三方去hold 住筆錢, 比哂稅丫之後先落袋… 所以而家又要出去搵樓, 好彩我呢個星期唔洗返工, 睇樓容易好多.
第二十九封信
肥佬, 生日快樂丫. 今年係你第一年走左既生日. 我冇咩野準備到比你. 呢到又唔可以燒香, 我又唔知第一年可唔可以買野比你. 你多D黎搵我啦, 我好掛住你丫. 你老婆話你返左屋企探佢! 點都好啦, 生日快樂!
第二十八封信
嗚嗚, 今日我last day. 嚴格黎講今次應該係我第一次係英國辭職last day. 上一份垃圾工唔計啦. 尋日有個同事好神秘咁擺低左件蛋糕係我台面, 我搵左好耐先知係邊個比. 個蛋糕好甜, 好一貫英國既味道, 不過人地好有心請,點都要好感恩 之後今日就有人請左我食左個韓國lunch. 阿組送左$20 Amazon coupon. 然後同事都送左card 比我 呢個係我係office 廁所自拍 呢個係office 裡面, 今日冇咩人係公司
第二十七封信
你個女收樓啦! 你有冇去睇佢間新屋呀~ 新屋好近大排檔, 你老婆而家放工返屋企好快. 正呀! 仲有個海景添, 最緊要係你個女同你老婆都鍾意. 然後今個星期我地打左3日邊爐, 又係買左好多野食唔哂, 然後第二日又買小小野又再打… 話哂英國而家勁凍 然後就出事啦, 應該係D 蝦滑, 因為係用新鮮蝦打出黎, 食左三日, 最後個一日放入口個陣好似怪怪地咁, 但Mickey 好似冇咩事咁樣, 就照食咁就出事啦! 嚴重腸胃炎, 痾就唔係痾得好勁, 但係個肚痛到痴線, 然後又嘔到傻咁, Keep 住幾日, 到而家都出未好返哂, 而家個肚都唔係好舒服, 有D作嘔咁, 已經第三日係咁……
第二十六封信
我終於的起心肝去拎返架單車, 本身諗住佢會幫我整埋換個motor. 但拎出個後ling 之後就發現要特殊既鑼絲批先得. 佢係六角匙黎, 但係佢中間有粒的 咁冇計啦, 拓返架單車返屋企, 要去Amazon 訂返D 岩既鑼絲批, 今日岩岩到左, 但未有心機整住.
第二十五封信
今日去睇左3個租盤, 有2個都好鍾意，一個同我哋而家距離差唔多，個間屋就有兩房一廳因為廚房, 傢俬全包, 佢係誇張到有埋電視有哂所有櫃，基本上你乜都唔使買就可以入去住。呢間屋就1600磅，佢最好嘅就係有lift. 佢出面就係咁樣嘅 佢呢一棟嘢就比較舊, 其實屋裡面都夠嘅, 但係又唔係舊到差咁, 佢仲有個露臺. 唯一個問題係我同米奇而家都喺市中心返工，我哋一個月嘅車費要130幾磅，一年都要差唔多萬4萬5蚊好貴檔號但係我哋幾鍾意呢間屋. 你又可以睇下個單位 另一間我地幾鍾意既係係Wimbeldon, 個間就係一房單位, 而家住緊個家係香港人黎, 佢應該回流返香港所以唔再租呢間屋. 呢間屋我就冇影相因為掛住同而家住緊個個屋主吹水. 呢間好處就係近返工, 我地一個月都只係要70幾磅就得, 足足係上面講個間屋既一半, 同埋因為佢係Wimbeldon, 佢個位置係極方便, 去邊都好方便, 因為個到係有哂三條主要既鐵路, Railway, Trim, Underground. 但呢間就冇lift, 因為你送比我地個雪櫃要上樓, 冇lift 就真係好麻煩,…
第二十四封信
老豆! 呢幾日係咁睇盤搵樓, 好多都唔岩. 好似搵工咁, Mickey send 左好多email 出去比Agent 但冇覆, 有D 睇左但唔岩. 本身想住個個區叫Bromley, 係South East London 成個環境同Kingston 我地住緊個到都差唔多. 好方便啦, 有個大型商場啦, 大部份既超級市場都有. 唔買車都生活到, 因為有直車出Central London 好方便. 可惜既係盤唔多, 有一個既, 唔係市中心, 有D 吊腳, 個Agent…
第二十三封信
老豆!我今日成功整左菠蘿包!! 應該有8成似. 最主要係上面個皮. 氣味係有9成似,但味道都係差小小. 唔係100% 似個種味, 但我唔識形容, 因為菠蘿包都係食佢層皮, 個包係用黎托起塊皮. 不過我係有小小出貓既, 因為個底我係買現成, 唔係自己搓. 一黎係要買好多材料, 二黎係搓皮我真係唔係好得… 上次整蛋撻你都見到我點樣炒哂車啦. 比你睇下個成品. 其實我係應該斜小小影比你睇埋個包底 我total 整左四個, 呢個係頭一個, 個皮唔夠厚, 因為怕太厚焗太耐個包會硬, 第二個樣好好多…. 然後呢, 尋日返工見到隻松鼠好得意, 佢企係個樹枝到應該食緊野, 條尾係貼住個背隻 再前日就同以前灣仔同事食飯, 佢岩岩搬左去outside London,…
第二十二封信
我交左信之後,我丫姐Video Call 我同我傾, 前前後後夾夾埋埋好似都係傾左10分鐘倒! 我諗佢都解要走, 佢心裡都有數. 佢冇問我點解要走. 佢淨係問我有冇得work from home… 我同佢講有丫, 有兩日. 我同另一個香港人同事講, 佢話我應該講多幾日. 幫其他同事爭取Work From Home. Last Day 係26 號即係我有一個星期假.
第二十一封信 – 2024 年第一封信
呢個係2024 年既第一封信. 話說我今日遞左信啦! 其實都唔算係正式, 因為我呀姐今日係放假, 所以我Email 左比佢. 就係放工個陣佢Whatsapp 我話收到封Email 同埋估唔到. 其實我都唔expect 佢比呢個反應我. 我一直都以為佢會知我好快走. 大佬丫, 冇野做, 返工等放工, 所謂工作可以自動化比電腦做. 誇張到我諗連我呀姐都唔知比咩我做好. 個IT 佬又廢, 咩都做唔到, 要我諗埋點可以兜個大圈做同一樣野, 多鬼餘. 新工個到我2月返, 但我到而家都未真係去過新公司, 係上次搭車叫做經過附近, 個感覺好奇怪. 今日係2024年第一日返工, 我照常坐巴士啦, 架車係冇人,…
第二十封信 – 2023 大事回顧暨新年快樂
老豆! 新年快樂呀! 我知! 香港時間過左啦嘛! 但我岩岩先買完餸返屋企嘛. 我有Whatsapp 同你講架. 我專登留返個20 係for 今日, 因為今日係一年最後一日同埋迎接新一年既開始. 今年好多事發生左, 應該話好多冇預期到既野發生左. 首先係Mickey 隻奇走左啦, 然後就到你走左, 之後就到P表老豆. 好彩冇再發生D 唔好既事啦. 今年係第一年你唔係到既新年. 以前會打比你同你老婆講新年快樂, 你個女例牌出去拍拖倒數. 老實講, 如果我係香港我都應該同Mickey 姐出去唔係留係屋企. 不過你個女今年好乖呀! 同成哥你屋企陪你老婆過新年, 浩然仔都好乖, 一樣留係屋企陪佢呀媽, 話哂P表老豆岩岩都走左.…
第十九封信
今日係黎找數, 尋日同你講今日話你知租樓個邊發生咩事. 話說你都知我地租呢個單位係包水電又包埋Council Tax, 我地個陣為左保障自己就同Council 講咩事, 仲send 埋分約比佢去證實我地係租客同埋業主負責我地既Council Tax. 過左一排之後佢就打黎問我地點解同Council 講, 咁我地就同佢講: 我地一定要係Council 到註冊,唔係到之後我地做唔到入籍申請, 佢同我地講唔好再搵Council 啦, 因為佢間房唔可以比人知租比人. 我地個陣仲以為因為佢做Mortgage 唔比得銀行知就冇左件事. 唔記得過左幾耐,好似半年之後, 我地見到有一封係物業管理公司既信, 寫住Urgent. 咁我驚唔知會發生咩事會影響到我地, 我咪用電筒偷睇佢封信再上網Search 下. 唔睇都唔知, 原來係英國買Flat 唔係你擁有一世, 個概念似係你比左一大筆錢業主, 你可以係到住99…
第十八封信
上回提到我地有成三日冇出街, 需然今日出面好大風, 有時好大雨, 但無阻我地想出去既決心. 最後我地去左Westfield 行! 係!又係個個商場 其實我都係志在去行下, 唔係話有咩想去買. 話哂三日冇出過去悶到死. 但去得Westfield 我地一定要去ichiba, 係一間日本舖黎, 裡面係賣日本野, 包括廚房野, 重點係有日本野食, 係Japanese Food!!! 我地次次去都會食碗拉麵, 我想講係好過上次去Central London 個間香港人既拉麵店. 今次拉麵唔係重點, 係個Mochi Donut, 佢係冬甩黎, 但裡面係好似軟糯好好口感, 影左比你個女睇, 佢都話睇樣都覺得正 佢有都幾多款式簡,…
第十七封信
24號之後我地冇出過街, 因為25號出面係死城, 所有野都係唔開, 就好似年初一咁樣. 26號就半死城, 有D 商場都會唔開, 就算開都係好早收. 本身個日諗住同佢去John Lewis 食我地覺得好好味既fish & Chips, 可惜25號佢係唔開, 咁唯有三個人係屋企打機既打機, 睇戲既睇戲. 27號即係今日佢就朝早閃返屋企啦. 呢條友玩Sims 4 玩到痴左線, 係屋企日日都打Sims, 一開電腦冇返三個鐘都唔放手, 佢重要玩到勁專心 玩左半年佢就已經可以玩超過150 個鐘, 我好似冇一隻game 可以玩到咁耐 佢落黎呢幾日我地都同佢傾到晚晚12點幾, 有時傾到一點, 開解下佢,分析下成件事點解發生同埋有咩野地方大家都做錯左,…
第十六封信
肥佬聖誕快樂丫！ 個個女仔前日落左落左黎，我地晚晚都傾到好夜，不過幫到佢都係開心既。 因為個男仔太仆街，佢仲主動搵我去睇下我唔會支持佢，仲叫我叫個女仔留係英國唔好返香港。。。條友都痴痴地線！個女仔留係英國咪仲辛苦。。。 我諗我同佢whatsapp 完佢都收左皮知道唔會說服到我同埋知道我覺得佢係一個仆街黎架啦 我地尋日就出左去倫敦市中心去同佢睇燈飾，其實呢到啲燈飾年年都一樣，冇變，但只係搵個籍口同佢出去行下，唔通日日留係屋企咩！但出奇地比我想像中小人。 之後我地就返左屋企打邊爐啦，有好多野食到好飽。 唔記得影相，今日應該要再打過，補返shot 比你ke. 係丫。我買左一條英國六合彩飛£1.5 中左£20. 勁爽不過我既目標係中頭獎唔洗撈
第十五封信
今日係比係睇一段片仔, 封面個幅圖係唔關事, 呢個真係好好笑
第十四封信
鳴鳴我搵到新工啦! 你唔洗擔心我啦. 新工加左£5000 一年, 一個月加左£400. 勁開心. 間公司你做太陽能版, 做B2B 既, 即係唔係做街客,而係做公司客. 但唯一怕既係搞唔掂, 因為升左職, 咁佢地個要求都自然會大左, 希望可以搞得點 我搵到工啦, 唔洗仲坐係到唔知做咩好. 所以你唔洗擔心我唔開心啦. 我而家好開心. 你黎搵我仲開心 呢間舖係我地屋企附近, 佢同香港以前個D 舖一樣, 執粒執一世都未執完個D, 分別係,呢間野有裝修香港個D 冇….
第十三封信
英國真係一個垃圾國家黎, 好明白點解我同個英國老闆講黎英國佢笑左一笑, 然後話”我夠18歲有能力就走” 話說今日幫你老婆問英國旅遊簽證問題啦, 佢老尾要收£2.74, 咁算, 因為個問題係有D難, 唯有比啦. 題外話, 我唔明點解旅遊簽證問問題都要收人錢, 喂!人地去你個國家旅遊, 係淨係比錢, 一毫子都冇拎走過, 你都夠膽死收人詢問費, 唔怪得知做日落帝國 返返黎正題, 好啦, send 左個問題比佢, 比埋錢, 佢老尾D阿差係咪食得咖哩食到個人都蠢埋, 我諗佢連個email 都未睇哂就覆我. 佢覆我移民既野, 佢話佢唔會提供移民建議, 仲比埋官方認可既移民顧問既List 我. 我真係屌佢老尾! 咁我覆佢啦, 話我唔係問移民,…
第十二封信
Mickey 組今日成日係屋企玩呢隻Game. 係清潔模擬遊戲. 係睇下佢玩得幾入神
第十一封信
好耐冇係到寫信啦!!!!!!!!! 因為根本冇野好講. 普通過不得了既生活. 而今次唯一要分享既野係我有工見, 有兩份. 第一份星期五見左, 係做太陽能板. 老闆對我印象唔錯應該有second in. 第二分係Casio, 即係錶個隻, 但個個未見, 佢係錄片咁, 好憎呢個方式. 但呢份未見. 老實講,我係想做casio 多D, 不過同一個postition, 都係assistant, 但大公司, 福利好 另一份係細工司, 升左一個grade, 但冇咩福利, 人工兩份都未知. 最好緊係兩份都要我, 我可以簡啦! 今日去左Kingston 個Christmas Market,…
第十封信
今日係我第一個冇你係到既生日, 今朝返工個陣播左talking to the moon 黎聽, 第一句就聽到眼濕濕. I know you’re somewhere out thereSomewhere far awayI want you back, I want you back https://www.youtube.com/watch?v=h-CnHGb5khY 講返我生日, 今日勁丫, 係我生日再加公司第二個聖誕party. 係, 今日係有第二個party, 今次係office 搞,…
第九封信
肥佬!!!!! 尋日你係咪過黎搵我呀, 我係夢到見到你呀 你坐左係梳化睇電視, 個環境係屋企未裝修個陣. 即係仲有牆紙個陣 你個女就好似入左房, 你老婆呢就唔知去左邊, 但應該都係到. 我地係到傾計, 我都唔係好記得我同你傾左D咩lu~ 應該都係講D 無謂野. 但我好開心見到你丫. 如果可以我想見你多D添呀. 聽日我生日, 第一個冇你係身邊既生日, 你可唔可以係上面或者係我身邊陪我過生日呀!! 封面係舊屋個電視櫃, 你就係呢到睇電視!
第八封信
尋日去左倫敦市中心行Christmans Market, 我地總共行左5個market, 佢地遍佈倫敦唔同既地方. 呢個係尋日我地行既路程, 遊左半個倫敦咁濟 英國聖誕氣氛真係好好, 唔同香港, 香港係有好多燈飾, 播哂歌咁. 英國係周圍都見到聖誕既元素, 例如聖誕精靈, 聖誕老人, 我地岩岩出個陣有一大班人cosplay 聖誕老人係街到行, 我諗超過一百人. 英國呢到唔似香港咁好多聖誕燈飾, 但佢地有聖誕樹, 但唔好以為佢地D聖誕樹係好靚, 佢地D樹都係好雞下, 又一城個個都靚過佢, 你自己睇下 個天好似仲靚過棵樹, 但都好多人圍住佢影相. 咁英國就唔多商場, 有都唔似香港個D大型商場, 可能只係一層過咁, 但佢地D 聖誕裝飾都好靚, 好似仲靚過棵樹.…
第七封信
尋日飲左3支紅酒, 一支白酒, 三杯cocktail… 醉住咁返歸 講下個party, 老實講, 野食真係勁一般, 但餐飯重點唔係食野, 而係飲窮公司 🙂 呢個係頭盤, 紅色個個係三文魚, 冇咩特別, 就係一漬左既三文魚, D麵包就乾到仆街, 又冇咩咩 呢個就係主菜, 係火雞裡面塞左D唔知咩野肉入去, D醬都係唔知咩醬黎, 甜甜地咁, 另外細細條個d係煙肉包住腸仔 最得意係,唔知點解D薯仔名埋燒左既紅蘿蔔同荀係分開碟裝… 沙律茶都明丫… 奇怪 最後就係甜品, 本來我係食browine + 雪糕, 但因為有人唔記得左自己叫咩然後拎左人地個份, 所以我就同佢交換食christmas…
第六封信
您好! 今日有咩講呢. 都係講下身邊既人啦 話說我呢間公司本身有兩個香港人同事. 一個就好叻咁走到, 搵到另一份工啦 好似話係做玩具既, 都算係叫差唔多行業啦, 因為佢負責QA, 船運個D 但尋日佢同我講佢公司要炒人, 因為生意唔好, 而佢係其中一個, 如無意外應該1月比人炒 請佢個陣,聽佢講係公司叫做比較差個陣. 咁又奇怪啦, 明明公司唔好仲請人. 唔係諗住請個人返黎就會突然好生意嘛 假設佢冇講大話, 咁真係好奇怪…. 我諗唔好到放咩相, 決定用你係舖頭既英姿做封面
第五封信
係, 我尋日冇打信, 因為唔知打咩好. 日日打一篇文其實都幾難, 好似今日咁我WFH,成日留係屋企冇出過去, 根本咩事都冇發生過… 話說有同事生日, 我地就出左去食lunch, 個食左個burger, 下面同埋封面圖個個. 個包個樣唔討好啦, 個芝士又未溶, 個牛肉又冇味, 煙肉又煎得唔香, 呢個仲要係佢地招牌漢堡… 救命 個burger 係一D 都唔好食, 冇味, 我煮可能好食過佢, 仲要成£14 磅…. 同埋好得意, 係香港如果同事生日去食lunch, 正常係應該大家夾錢請佢食, 呢到係冇呢一樣野, 生日個個都係自己比返自己個份… 好奇怪, 好似純粹搵個藉口大家一齊出去食lunch…
第四封信
首先, 我今日人生中第一次中雀屎, 係中左係我個袋上面. 我仲要係上巴士除低左個袋個陣先發現!! 好彩冇high 上身到 x( 頭先夜晚食飯講起你走個陣, 有冇後悔, 我個陣咩感覺. 同埋要對屋企人好啲, 灌輸下佢返香港睇佢老豆老母, 丫公丫婆. 諗返起你岩岩走個陣, 我完全係呆左, 冇咩感覺, 我個一刻係諗緊我係唔係正常, 唔係應該好傷心架咩. 直到第一次真係見到你, 我先崩潰式咁喊. 而家我都會掛住你, 特別係星期六日打返香港個陣, 你冇接電話. send message 出去見到你冇read 個陣. 但我已經大個仔, 懂得去接受你唔係我身邊. 都係個句,…
第三封信
今日出面落左成日雨，好彩尋日買左餸，今日可以成日匿係屋企唔出街。 尋日咪同你講左我個朋友出軌，個女仔好慘既。 今日我地video call左佢同佢傾下佢點，因為佢話想返香港。 唔傾由自可，一傾簡直係打開左我同老鼠第二個世界，原來人係可以咁，唔單止係個男仔，個女仔都係。 例如，佢可以同個情婦，即係第三者個屋企，同第三者既老公同小朋友一齊食飯。 而家男人又可以接受帶綠帽既同時同情夫既女朋友同枱食隻飯仲一齊打電話比個男人。痴哂線。接受程度真係極高。。。 我完全想像唔到。我自己真係唔得 Btw, 封面個個係今日既早餐
第二封信
今日好鬼死凍, 最暖都係得個一度, 長期係零度以下生活…. 之前咪有個friend 係曼城住既同佢女朋友個個, 佢走左去偷食, 仲要係第二次, 比條女發現左而家分左手. 個女仔好慘,係香港教書, 專登賣埋香港層樓同佢黎英國, 而家個女仔一個同三隻喵. 今日佢搵丫老鼠話想返香港, 咁都好正常, 黎英國係為個男仔, 而家咁都冇理由係英國. 個男既真係好仆街, 個女仔放棄所有野黎英國, 仲要去偷食, 呢D人唔抵幫. 今日買左個聖誕燈飾放係屋企好靚架, 識轉又識發光, 就係下面個個啦.
第一 封信
呢個係我比老豆既第一封信 老豆, 之前同你講過話會起個網站出黎比你可以上去睇下我生活成點, 死得未.而家起左啦, 你可以得閒就上黎呢到睇下, 我會盡量每日更新下, 出下就post.但老實講, 我呢到又唔係好多野可以講, 都係返工放工, 食飯, 訓覺…我盡量試下啦, 盡量搵D野寫比你睇啦. 今日就係咁多野, 唔寫D大沈重既野, 話哂第一篇文, 應該開開心心既!