唉! 本身今個星期係放假, 點知就去左睇樓.
本身諗住整蘿蔔糕同埋年糕. 話哂就黎農曆新年, 你又鍾意食. 點知係咩都冇整過…
今個星期上下南北倫敦都去哂! 我諗我今個星期最小睇左10個單位. 有D就一般般, 有D 就太貴唔想落Offer.
有一個單位Mickey 好鍾意係Thames Ditton. 雖然佢個樣係獨立屋咁, 但其實佢只係放租下面個層連花園.
個業主去美國做野, 所以想放間屋出去租有extra 收入.
有兩房, 業主將其中一間房變左做書房, 岩哂我地. 又有個花園玩下.
佢開£1750 既, Mickey 同事話租樓係唔洗比佢個offer price, 係應該開under offer. 因為冇人會開個個offer price, 除非真係好鍾意, 所以我地開£1650😂
之後今日去左bromley 睇左另一個, 個都就大間D, 兩房, 兩間房都有床
佢有個common garden
但呢間係part furnished, 即係有部份傢俬. 呢間開£1700, 因為佢得一D 傢俬, 所以我地開£1500😂
仲有一間, 個agent 咩都唔知, 問佢所有野都答唔到, 問佢入伙日唔知, 因為成橦野應該翻新緊, 問佢幾時完工又係唔知. 問佢咩都唔知, 淨係係咁叫我落offer.
間房好既,好大個廳, 但係得一房, 不過呢間要問清楚D 野先決定落唔落offer
佢最正係council tax 好平, 幾百磅一年, 好近我地返工, 交通成本又平左. 同埋隔離有個大商場
