話說星期五搬入新屋啦, 我個broadband 到期要續. 做哂research, 決定用返EE.
咁我咪打過電話過去同佢地講要轉地址同埋要個新plan.
全世界都係咁, 比錢就好容易, 好快就落左order, 19號activate 啦, 咁都係10日姐, OK 啦, 我仲有電視同PS5. 只係個到電話data 收得唔係太好, 但10日好快過啦.
頂, 我無啦啦收到個message, 同我講28 號先有人黎裝野, D Wi-Fi 盒丫個D 野就會寄過黎先. 但我個合約開始日係19號.
個工程人員未黎我都未用得住, 咁快就起我數, 咁我緊係打過去問佢咩事啦.
第一個聽電個個好似岩岩訓醒咁, 講野好難聽, 我英文本身又唔係好, 聽到勁辛苦. 同佢講左一輪, 仲埋身份驗證之後佢話我要駁你去第二個部門, 我呢到幫唔到你. 咁好啦, 等左10分鐘倒終於有人聽.
第二個人黎, 我又再講咩事啦, 點解係19號activate 但28號先有engineer 黎, 咁我咪白比9日錢.
呢條友講野就精神D, 仲係好重口音. 我要比10000% 集中力先聽到, 好彩佢講野唔快, 最多都係叫佢重覆講多幾次.
點知, 佢又要我重新做過認證… 我之前咪做左囉又做…. 佢話D 資料冇sync 過黎所以要再做過. 是但啦, 我係要解決問題, 咁就比哂佢要既資料佢啦. 佢好好禮貌架, 又介紹自己又盛. 但當佢介紹完自己之後, 佢話會幫我又駁去另一個部門….
即係第一個聽電話個個人幫我駁左去一個比員工自我介紹既部門, 而呢個部門就係自我介紹, 介紹完之黎駁過去另一個部門…
我都唔知比咩反應好, 我都半放棄, 咁我同佢講好啦, 唔該哂.
第三個人聽電話, 佢無啦啦同我做產品介紹, 一開始我都仲諗緊發生緊咩事, 越講越唔對路, 我就閘左佢同佢講, 個一刻佢先恍然大悟之黎幫我check. 今次佢冇做認證啦. 講左一輪, 好似解決左問題.
最後就係, 佢confirm 左我,合約28號先active, 但我都唔係好信佢, 等佢分新合約黎我再double confirm 下