有樣野一定要分享比你知.
話就上個星期六我地去左回收部舊電腦. 點回收呢? 其實就只係拎部電腦去Currys, 一間英國好大型既連所電器舖, 你當佢係英國版既豐澤啦. 之前好似比過你睇裡面係點.
Anyway, 咁你拎部機去回收, 佢就會比£5 Cash Voucher 即係現金卷比你下次賣野用. 張野係咁既樣
黎左英國之後, 我拎到咩野優惠都好啦, 我都一定睇下個Term and Condition, 即係使用細則.
一睇就發現張野係2月6號到期, 我地去回收個日係2月10號… 足足過左4日.
一開始我以為個優惠完左啦, 我唔係因為張野去回收, 而係我唔知扔去邊, 咁岩我地又要個頭, 所以先拎過去.
但我又好想知係咪完左, 咁咪拎張野去客戶服務部問.
佢望一望張野, 呆左一呆, 然後問隔離個個同事有冇新voucher 係倉, 佢話冇.
佢望住張野, 諗左一諗, 然後做左樣令人震驚既野.
佢係張Voucher 上面寫
“PLEASE REPLACE THE VOUCHER WITH THE UP TO DATE VOUCHER. MIKE 2024.02.10”
中文即係. 憑此卷換領最新之現金卷 – Mike – 2024.02.10
佢叫我地2個星期之黎拎住張卷返去間舖到就可以換張用得既卷.
去到D 同事知道就會換比你, 只可以返去mike 個間舖, 因為其他舖唔識佢所以換唔到..
D 英國人做野真係好奇怪. 如果係香港, 個客一定嘈到拆天,仲搵野R, R 著數. 同埋如果寫都得, 求期拎張寫就可以無張extent 張vouhcer…
但另一方面睇, 佢地對人個種信任真係好強, 唔會覺得D人係會呃佢或者用盡佢
我應該就唔會專登返去換張voucher, 但呢張野我一家會keep 住佢, 好好笑