你個女收樓啦! 你有冇去睇佢間新屋呀~ 新屋好近大排檔, 你老婆而家放工返屋企好快. 正呀!
仲有個海景添, 最緊要係你個女同你老婆都鍾意.
然後今個星期我地打左3日邊爐, 又係買左好多野食唔哂, 然後第二日又買小小野又再打… 話哂英國而家勁凍
然後就出事啦, 應該係D 蝦滑, 因為係用新鮮蝦打出黎, 食左三日, 最後個一日放入口個陣好似怪怪地咁, 但Mickey 好似冇咩事咁樣, 就照食咁就出事啦!
嚴重腸胃炎, 痾就唔係痾得好勁, 但係個肚痛到痴線, 然後又嘔到傻咁, Keep 住幾日, 到而家都出未好返哂, 而家個肚都唔係好舒服, 有D作嘔咁, 已經第三日係咁… 希望今個星期可以好返啦…
然後第一日腸胃炎個日因為係公司, 勁辛苦, 係公司又痾又嘔, 頂唔順所以Call 左Uber 返屋企. 好死唔死, 唔小心跌左一隻Airpods… 我仲要上左車之後先發現. 但偉大既Apple 有個好強勁既功能叫Find My, 佢可以定位一隻Airpods係邊, 點知一睇成九萬仗遠. 冇計啦, 認命, 呢排自己黑仔, 只可以去Apple 到配返隻
你可以睇下出面幾凍, 呢幅相係今日返工個陣影, 出面係-4度, 佢凍到D 草都結冰, 踩落去係硬硬地, 一D都唔似係草.
