老豆! 呢幾日係咁睇盤搵樓, 好多都唔岩.
好似搵工咁, Mickey send 左好多email 出去比Agent 但冇覆, 有D 睇左但唔岩. 本身想住個個區叫Bromley, 係South East London 成個環境同Kingston 我地住緊個到都差唔多. 好方便啦, 有個大型商場啦, 大部份既超級市場都有. 唔買車都生活到, 因為有直車出Central London 好方便.
可惜既係盤唔多, 有一個既, 唔係市中心, 有D 吊腳, 個Agent 超有性格, 叫佢影片黎佢話唔影.
因為個邊同我地Kingston 有D遠, 應該咁講, 而家我地睇屋,如果離我地有D遠既話, 我地多數都叫佢send video 黎睇下先, 覺得OK 先安排in person visit.
一黎快, 二黎唔洗下下都搭火車出去, 車費唔平架, 三黎係時間, 一來一回都4個鐘, 一舉3得.
本身今日有個盤有興趣既, 係Epsom, 即係我地岩岩係英國落腳個到, 我地睇左片都好有興趣, 但個Agent 又係好有性格, 約佢6 PM 啦, 佢話佢working hours 係9-4, 問佢聽日得唔得又話放假, 而家我地心態係有就有, 冇就冇就算. 呢到D Agent 真係唔膽心冇客, 痴線.
希望我地快D 搵到屋租啦, 我地都要預時間盤野, 同做清潔. 唉! 搵樓同搵工一樣咁攰