老豆! 新年快樂呀! 我知! 香港時間過左啦嘛! 但我岩岩先買完餸返屋企嘛. 我有Whatsapp 同你講架.
我專登留返個20 係for 今日, 因為今日係一年最後一日同埋迎接新一年既開始.
今年好多事發生左, 應該話好多冇預期到既野發生左. 首先係Mickey 隻奇走左啦, 然後就到你走左, 之後就到P表老豆. 好彩冇再發生D 唔好既事啦.
今年係第一年你唔係到既新年. 以前會打比你同你老婆講新年快樂, 你個女例牌出去拍拖倒數. 老實講, 如果我係香港我都應該同Mickey 姐出去唔係留係屋企.
不過你個女今年好乖呀! 同成哥你屋企陪你老婆過新年, 浩然仔都好乖, 一樣留係屋企陪佢呀媽, 話哂P表老豆岩岩都走左.
尋日開始就已經諗緊呢封信應該點打,應該用咩相, 然後諗下今日有冇地方影相可以post 上黎比你睇. 搞下搞下我就只係搵左我細個同羅嘉欣岩岩出世個幅相, 就係封面個幅, 95年影,個陣我地仲住係石圍角. 28年前,睇返好似唔係好耐咁,
之後諗住出去影下相可以post 上黎啦, 一黎我其實都未諗到咩主題, 淨係知打2023 年尾既信比你, 但唔知咩方向, 二黎丫大小姐Mickey 姐好似想作病, 我地食完野都那那林返屋企比佢休息下. 返到黎先諗打咩.
入主題:
我今年返左香港三次, 頭兩次係好開心, 我好慶幸我今年返左香港2次, (第三次我你寧願我冇返過). , 第三次係好傷心, 傷心呢個字好似形容唔到個感覺, 英文有個字叫heartbreaking,中文照譯叫心碎， 但唔係情情愛愛個種， 而係極悲痛個種。成句係I’m extremely heartbroken after my father pass away, my whole family still in grief. 我極為悲痛, 因為我老豆走左, 我成家都好哀傷.
呢個係今年成個trip 行程.
黃色線
橙色線
黑色線
呢次係我第一次返香港, 其實應該話係返左鄉下, 再去曼谷先再返香港. 呢一次係一次好耐都冇試過既一家人去旅行.
係我黎左英國之後第一次好開心成家人可以去泰國, 一齊返鄉下, 最開心係真係一家人齊齊整整咁返去, 有埋呀成, 有埋Mickey. 係最齊整既一次, 亦係唯一一次, 不過得一次好過一次都冇呀. Better than none. Our whole family trip!
睇返轉頭, 大過左之後真係好小好小成家係去旅行, 一黎大過左, 二黎真係好難齊人. 我記得我一落機你笑住口咁望住我, Mickey 事後同我講話我同呀媽係前面行個陣你係後面笑住口咁望住我.
返左鄉下之後就去左曼谷, 然後就返香港啦. 第一次返香港個陣冇咩時間陪你, 一黎你要返工, 二黎我就約哂D friend 去食晚飯. 呢個係我呢一次返香港trip 既遺憾, 有陪你多D 就好.
紅色呢條線係我第二次返香港, 今次得我一個返, 我仲記得你臨尾一刻先打比我同我講要返黎簽約, 我就同公司講我屋企有緊要事要返去.
今次返去真真正正係陪屋企人, 我好似冇咩同朋友講我返去, 就算佢地生日我都冇話返左香港同佢地食飯. 最開心今次係真係陪屋企人, 另外就係請左你地食自助山, 知你鍾意食自助餐嘛.
個陣你老婆搭個程lift 嚇死, 我有拍片架, 但好似冇send 過比你
然後仲同你同埋伍浩然去飲茶
然後呢一次係你最後一次送我機, 車我去香港機場返英國.
而呢一幅相, 係唔會再有第二次機會再影到. 我打到呢到個陣, 有一種好希望係一場夢既感覺, 希望訓醒打返香港你會聽到電話, 會同我講野, 會問侯下我, 我又可以問侯下你. 唔再係呢到寫Blog, 而係真真正正既對話
呢一次係我今年最後一次返香港, 係我冇預期之下要返香港, 亦係我最唔想返香港既一次.
我記得你個女打黎比我個陣, 喊住口講話你係醫院, 同當日米奇同我講細佬走左個陣一模一樣.
你個女話你仲有機會, 我一世人中最想電話唔響既一次, 因為我知電話一響, 所有希望都會冇哂.
“希望是一隻妖怪失望是它的雙胞胎” – 我而家好明白呢句歌詞咩意思. 當你個女第二次打黎, 我個刻崩潰, 人生中永遠失去左你, 我喊, 我好遺憾冇係你身邊陪住你, 最後一刻係醫院係你身邊.
到我返左香港, 第一次見到係, 我第二次崩潰. 我冇機會再同你面對面講野, 冇機會再Whatsapp call 你, 冇機會比你見到我結婚生小朋友. 好多遺憾.
係香港陪住你老婆, 好好地執你既野, 落舖頭幫手做樓面做水吧.
再見啦老豆! 呢到可能係你第二個鍾意既地方.
今年經過咁多事, 我都可能會長大過, 習慣好多野, 同埋睇野都唔同左. 但我諗成長得最多都係你個女. 佢而家識得照顧呀媽, 呢樣已經係一個好大既進步.
而我呢, 今年好開心年尾搵到份新工, 2024年2月就返新工, 好開心,可以有新既開始. 同埋我學識左用ChatGPT, 幫我大幅提升工作效率.
我好希望下年2024年我會有一個更好既一年, 好好地重新出發. 老豆你在天之靈都要好好地睇住我, 得閒黎搵下我都可以架, 我返左英國咁耐都只係夢見過你一次. 多D 搵我啦! 唔搵我都睇住我.
老豆! 新年快樂. 唔知你個到有冇人會放煙花呢
