話咁快就10月, 係我地結婚既日子! 好想好想個一日你可以係到見到我結婚做大個仔. 唔知你見到我結婚會點 . 我諗你一定好開心, 拎住部電話係咁影相同拍片.
因為我好想好想你可以係我地個張結婚大合照到出現, 我用左AI 去學左你個樣, 咁我就可以加你落去, 有一張完美既結婚大合照
個樣就唔係100% 似架啦, 鬼叫你又唔係多想, 冇咩相可以用黎train 個AI. 不過都唔錯, 係整完出黎要再執下.
原來唔經唔覺你都走左一年, 時間過得好快, 我返呢份新工都就黎返左半年. 呢一年你係另一邊過成點丫, 我都仲未有機會去你個到上支香比你, 你都上左位幾個月.
見唔見到丫麻同丫爺, 見到佢地幫我問候下佢地. 本來想同你講叫你自己小心D, 但諗諗下都唔知你要小心D 咩.
我而家都仲有個個星期打電話返香港同你老婆講電話. 佢幾好,係瘦左D, 不過佢不嬲都係咁瘦. 你得閒返去探下佢啦. 我諗佢都好掛住你.
話唔掂都係, 比幅美女圖你, 你以前有個folder 專放呢D 相, 係丫, 佢都係AI 整出黎
仲有仲有, OREO 味可樂. 我冇買黎飲, 因為應該係極難飲
