老豆! 我地結左婚啦, 你老婆同埋你個女都黎左英國睇我地婚禮. 我好乖丫, 帶佢地周圍去. 去左好多地方丫, 又去Outlet, 又去倫敦市中心睇境點, 又去左行商場, 又去左公園. 佢地都好開心.
睇下你個新抱個日幾靚. 我真係好想好想你個日你個到睇到我地, 唔知你會唔會係天上面望住我地, 笑住咁係咁影相同埋拍片, 著得好靚仔咁, 然後叫我減肥.
我知你一定好開心, 一定會. 但你一定唔會鐘意食英國野. 以前我成日都會諗, 如果有一日你黎英國, 我應該會帶你行好多日超, 榮業行, 食好多中餐.
我估唔到丫媽竟然會覺得英國唔錯, 今次好似一洗佢對英國既負面評價. 係食囉, 佢唔係太喜歡英國既野食
放心啦, 我會好好照顧老鼠架啦, 我會大個仔架啦, 你一定會同我講, 大個仔啦, 生性啦. 結左婚個人唔同架啦, 唔可以好似以前咁玩玩下. 知冇, 我知你一定會咁講.
知道啦老豆! 我會乖會生性架啦. 同我有一日見到你, 我會攬住你同你講, 老豆, 我做到啦