米奇去左日本, 今個星期又係得我一個係英國啦, 佢一個星期係日本, 同佢D friend, 另一個星期就返香港. 之後就返英國, 佢返左黎一日之後就同我返香港一個星期, 可以黎探你啦
呢個月超級忙, 公司要轉platform, 所有野都要過哂去, 我呢期研究緊一個自動化既野叫n8n, 而家轉左server 好flexable 可以裝好多野落過server到
呢個係期中一個我做既flow, 佢會自動過D data 過去, 其實幾好玩, 係咁解決唔同問題, 搞得掂勁開心.
之後上個星期因為得我一個係英國, 又有三日假, 本身係plan左去做Amazon Flex, 賺下外快. 個日做朝早7 點個轉, 做做下架車著哂D 燈
咁架車重行得就諗住做埋星期一然後就拎去車房. 因為送完之後得返15%電要去充電.
點知去第一個充電站唔得, 以為係壞左姐. 去第二個都係咁, 心諗仆街, 渣渣林去買餸返屋企, 要留電去車房.
第二日冇車就做Deliveroo 啦, 做左一單之後就落雨, 佢老尾….
心血來潮, 搏一搏拎架車去試多次, 點知今次充到…. 玩野…. 搞到我賺小左一日amazon 錢
呢倨係4- 5 月part time 既收入, 不過要拎哂去整車…
買左呢隻野放係屋企, 係咪好過癮
因為米奇生日係日本, 我地提早左食佢生日飯, 我都唔係好記得係咩黎, 間野係英國平價米芝連. 食就OK 啦, 唔係話好出色個隻, 上年個間好好多, 都係一星
呢個係生鹿肉, 勁好食
