24號之後我地冇出過街, 因為25號出面係死城, 所有野都係唔開, 就好似年初一咁樣. 26號就半死城, 有D 商場都會唔開, 就算開都係好早收. 本身個日諗住同佢去John Lewis 食我地覺得好好味既fish & Chips, 可惜25號佢係唔開, 咁唯有三個人係屋企打機既打機, 睇戲既睇戲. 27號即係今日佢就朝早閃返屋企啦.
呢條友玩Sims 4 玩到痴左線, 係屋企日日都打Sims, 一開電腦冇返三個鐘都唔放手, 佢重要玩到勁專心
玩左半年佢就已經可以玩超過150 個鐘, 我好似冇一隻game 可以玩到咁耐
佢落黎呢幾日我地都同佢傾到晚晚12點幾, 有時傾到一點, 開解下佢,分析下成件事點解發生同埋有咩野地方大家都做錯左, 好好地比佢知道佢既前另一半究竟係咩野人. 唔係佢做錯, 而係個男仔做錯, 唔係以前唔愛佢, 而係個女人出現左之後先唔愛佢. 同埋叫佢唔好將自己放得咁低, 有返自己
好好彩咁, 呢幾日都見到佢由第一日好唔了解, 好傷心, 到最後一日開懷, 明白要點做, 好努力咁做好自己, 愛錫自己.
不過佢都算好彩, 好多朋友幫佢, 唔係安慰佢個種, 係offer佢如果未賣到樓幫佢出機票返香港先, 之後再賣到樓再還.
有個重堅, 幫佢食左層樓, 用原價買左佢層樓, 等佢可以好快就返香港, 唔洗比層樓綁死返唔到香港. 佢真係好好彩. 同埋呢家人真係好好人. 好似話都冇咩點睇過樓就要左.
希望佢返返上去之後可以加油努力重新出發