半年啦, 尋日就係你走左既半年. 呢半冇同你講電話, 冇得同你video call. 以前一到星期六就打比你, 星期日就打比你老婆. 而家係星期六日都打比你老婆. 好掛住你
上一封信都好似係上上個星期打了, 呢兩個星期都有D野發生
首先呢就係, 我地買左一set 戶外餐台同椅 可以係出面食早餐, 係幾爽既. 同埋而家係春天, 出面朝朝早唔落雨既話係好舒服.
上星期我同米奇就坐左係出面食波羅包, 係幾爽, 出面暖笠笠咁, 有太陽射住, 仲暖過屋裡面. 我同mickey 講如果你係到既話一定會坐到訓著. 因為真係太舒服
除左呢set野之外, 我地仲買左個BBQ 爐. 係爽既, 但未用, 可以燒野食, 呢個就係有花園既好處,
個爐係唔高既, 我諗大概我半個人咁高啦, 買個陣已經check 左佢係74cm 高, 我以為都唔會太低. 本身係想買高D 既, 唔洗彎低身燒, 而家係坐住咁燒.
不過D 鬼佬燒野食唔同我地香港人,我地係拎全支差係到燒, 佢地係好似韓燒個D 放哂D野上去個爐到, 搵個人係到燒
然後前幾日返工, 見到有隻鵝係出面行黎行去, 唔係平時見到個D 黎, D顏色係好奇怪, 佢又唔驚人, 行近D 佢都係慢慢咁行開. 都好大隻下. 而家好似企左上人地屋頂到. 跟據mickey 既口供, 好似話係自來鵝黎, 但應該有一家人比野佢食, 所以就係呢到走來走去
最後就係, 你記唔記得好耐之前你影左一大堆你以前學師個陣既食譜. 我用左你其中一個食譜整左碟咕嚕肉, mickey 都話好食. 係差D 肉, 因為我地唔想用咁多油, 所以走左去氣炸. 但氣炸左出黎既口感係完全唔同. 個汁就有8成似.
