肥佬, I am back!!!!!!!
今次應該都有好多野可以同你講. 首先為你帶黎一個好消息.
我又轉工啦, 新呢份人工係再高D.
本身其實係冇諗住咁快搵工, 雖然而家份工係好一般, 係冇野做, 唯一好處就係有免費午餐同埋有得撚狗, 但真係太悶冇野做. 同埋個上司又係低低地, 唔識扮識, 然後同個識既人嘈, 最後就用title去壓人. 呢D工做黎注定冇前途.
咁新呢份工又點黎呢, 話說係有一日返工, 有個agent 打黎問我仲係咪搵緊工, 我同佢講我已經搵到啦, 岩岩返左幾個月咁. 佢話有兩份工係手, 佢話不如聽下份工先啦. 咁我又冇野做咪聽下.
佢講完之後就對呢份工有D 興趣. 咪叫佢sd 過去, 點知又有interview. 搞下搞下就請左啦. 所以都算係冇預期過會發生既事黎
新工係係Guildford 返工, 由屋企去呢係有架巴士直到, 要個半鐘倒, 火車就9個字, 不過好在就係4日Work from Home.
講起Guildford, 上星期有四日連假, 我地都去左Guildford行. 我幾鍾意呢個地方, 佢有Kingston 既繁榮, 同事間又唔會好似Kingston 咁多人咁雜, 係差一間Apple Store. 佢係有商場, 裡面咩都有High Street 又好多野行, 唔止係得大brand, 有好多小店local store.又多野食. 係好好
我地去左佢個個Guildford Castle, 但係有D 雞既, 因為得一橦野咁, 就係咁既樣
另一個特別既就係佢有個地道係幾得意
去完個Castle 之後我地就周圍行下, Guildford 係幾靚, 好清幽
講完Guildford 可以講下屋企.
而家屋企裝左cam, 一個門鐘, 可以用電話同人講野, 又可以睇到人個樣, 人地禁鐘冇人係屋企我地都可以係電話應, 係屋企就可以用個mon 仔應.
然後D cam 一支就放左係廳, 另一支就放左係廚房影住個花園門
如果你係到一定會成日睇個cam 偷睇我地同我地講野, 係呀, 個cam 係可以對話. 同堆埋夜間晚有夜視, 有野郁就會錄片save 係手指到.
另外我地係大門到放左個精靈, 日頭佢會太陽能儲電, 夜晚就會有自動發光好得意. D鬼佬話呢D 精靈會帶黎好運
係咁多先, 得閒黎探我啦!!