成個月冇打過信比你啦, 今次應該都幾長下.
其實都冇咩發生過D 咩野事. 5月27號係曼琪姐生日, 我地去左兩個地方. 一個係bath 另一個就係seven sister cliff, 香港好似叫七姊妹崖. 咁我地就緊係唔係答車去啦, 個D地方杳無人煙. 係英國少有既山區地方. 我地租左架車去, 租車個過程都好驚險好英國.
咁我地已經係幾日前租左架車, suppose 係個細細架私家車, 普普通通兩個人夠哂個D. 點知去到, 佢話冇哂車, 問我掍波得唔得… 我係有掍牌, 但係一呢我考完車之後都差不多冇渣過掍波車, 同埋mickey 都要渣, 佢得自動波牌. 好啦, 搞左一輪, 佢終於搵到架車啦. 一見到架車, 即刻屌左聲, 呆左
直程係我地返泰國個陣個D車黎… 呢架車最大問題係英國D 路又窿窄, 泊車地方又唔係大, 好多時好多地方兩邊都泊哂車, 個位係得岩岩好一架巴士過, 同埋因為我地要泊係屋出面, 大佬, 呢架野首先唔知入唔入到去啦, 就算入到都100% 肯定入唔到….
咁好啦, 我地就話唔要, 因為太大架, 搞唔掂. 咁佢又搵其他車啦, 因為個日都好多客,搞下搞下都好似搞左三四個鐘.. 最後佢upgrade 左我地比左另一架車我地, 你老婆好鐘意既benz
我冇影到內籠, 不過係幾好睇
拎到車之後就出發啦. 第一日呢就係去Seven Sister Cliff.
一路行上去個境都好靚, 有牛又有天鵝同湖.
上到頂係咁既樣
呢個係望返落去個境
個日都好好彩冇落雨, 天氣仲要幾唔錯, 因為落山都幾難, 都好斜下, 我地兩個著波鞋係勁滑. 佢有兩條路上, 有條路落, 一條係出路, 一條係沙灘路
本身係諗住上山就行山路, 落黎就經沙灘走既, 點知落去個條路差不多90 度斜, D人係手腳並用咁爬上黎. 咁當然都有人成功就咁行落去, 不過我廢搞唔掂…
第二日我地就去左bath, 呢程目的係去間我地係香港成日去既coffe shop 叫coffever. 可惜個日天氣一般落雨.
呢個地方係幾靚, 同london 完全唔同感覺, 佢個感覺係feel 到有歷史D, 係一個有故事既地方.
我地仲去左個羅馬浴場, 個到真係溫泉水黎, 係見到D水仲有D 熱水泡沖上黎, 同埋好多礦物質, 所以D 水係綠色.
我地係呢到都玩左幾個鐘, 之後就去左個間coffee shop 飲杯咖啡, 同老闆吹下水
因為星期日, 好多野都好早收, 所以我地都係bath 都行左唔係好耐. 不過老實講, 英國D high street, 個個地方都係差唔多, 都係個D 舖. 所以我地就去左間泰國野到食野
呢間野D小食好食, 但佢D主食好難食, 個肉碎炒飯個底全部都係油黎, 味又唔夠. 但佢廚房個D 全部都係泰國師父煮. 我地kingston 個有間越南野,D野食仲有好食, 又平D.
最後我地返去個陣仲見到彩虹
