首先, 我今日人生中第一次中雀屎, 係中左係我個袋上面. 我仲要係上巴士除低左個袋個陣先發現!! 好彩冇high 上身到 x(
頭先夜晚食飯講起你走個陣, 有冇後悔, 我個陣咩感覺. 同埋要對屋企人好啲, 灌輸下佢返香港睇佢老豆老母, 丫公丫婆.
諗返起你岩岩走個陣, 我完全係呆左, 冇咩感覺, 我個一刻係諗緊我係唔係正常, 唔係應該好傷心架咩.
直到第一次真係見到你, 我先崩潰式咁喊. 而家我都會掛住你, 特別係星期六日打返香港個陣, 你冇接電話. send message 出去見到你冇read 個陣. 但我已經大個仔, 懂得去接受你唔係我身邊. 都係個句, 我會努力架啦!!!!!
而家你有冇見到你個鄰居, 係咪個靚女黎, 你老婆指定要放係靚女隔離.
今日冇唔知用咩相, 我決定擺大排檔出黎!!仲要係你平時坐係到訓覺既位!!