肥佬. 老鼠返左香港啦, 今次返10.上次佢返去個陣你仲係到, 次次你都問我係咪好悶. 今次冇啦.
話說我發夢見到你係教堂, 你係咪轉左會姐. 我問你你又唔覆我. 大佬你話我倨知丫, 咁我唔插香啦嘛.
好, 我update 下你.
首先, 呢個就係我地BBQ 既成品一號. 係好食既, 係熟既, 但燒一次用勁多時間.
一來係我未識透個爐, 二次黎到D BBQ 同香港好大分別, 香港係好大火.燒得好勁咁樣,但係呢度唔同,佢啲火好細係慢煮嚟嘅.
隻雞就正常味啦, 反而係有驚喜嘅係啲薯仔，好有薯味好好食。腸仔就因為佢以經落哂味,食好食嘅但冇咩特別.
隻雞係我第一次整, 第2次呢就挑戰難度整叉燒！喺英國買嗰啲豬肩係好瘦, 冇得好似香港咁俾你揀半肥瘦所以個叉燒就比較乾同埋鞋口.
但係個味就似嘅係好食嘅,但係如果多啲肥肉就好
講完個BBQ就講下我份新工！係我已經轉咗工喇,上一份工翻咗3個月，最掛住嘅係公司嗰隻狗佢好得意, 佢叫bolt
佢只會癡住啲俾嘢食佢嘅人,你知唔知嘢佢食佢就會用一個好可憐嘅樣望住你啤住你, 發現冇用之後就會拎個背脊得住你, 再過多一陣就走. 但如果你只嘢佢食嘅話，佢一拎完個食物就會走，係一隻好現實嘅狗
呢1度就係我新公司嘅Office, 呢份工我要返公司2日其餘3日喺屋企做嘢. 公司係冇乜人。有啲唔慣。而家返工時間同以前差唔多都係大約用一個鐘倒,但車費就貴好多啦, 即日叫用差唔多£20個來回, 好彩我一個禮拜淨係翻2日。同埋間公司係用hot desk, 即係冇一個固定位, 每日返去之前都要book 左台先, 如果唔係冇位坐.
屋企就冇乜特別，呢排發現有隻貓會過嚟我哋後花園食草. 佢已經捉過佢幾次. 果日諗住同佢玩佢嚇到走咗
係咁多啦！我哋有連續3日假, 今日去左捐血
其他日子都唔知有咩搞, 你係到我一定日日打比你.
上個星期焗左個蛋糕食, 唔錯
